Hepdäniň her güni gol geçiren ilkinji futbolçy

Angliýanyň “Premier Ligasynda” 37-nji tapgyrda hepdäniň sişenbe güni “Çelsi” öz meýdançasynda “Lester Sitini” 2-1 hasabynda ýeňdi. Duşuşykda “Lester Sitiniň” ýeke-täk goluny geçiren nigeriýaly hüjümçi Keleçi Iheanaço taryhy netije görkezdi. Ol “Premier Ligada” bir möwsümiň dowamynda hepdäniň 7 gününde-de gol geçiren ilkinji futbolçy hökmünde hasaba alyndy. Ol şu möwsümde 12 gol geçirdi. Şol gollaryň 5-sini ýekşenbe günki oýunlarda, 2-sini çarşenbe günleri derwezä girizdi. Galan 5 goly-da hepdäniň galan 5 gününde derwezä urup, täsin statistikany ýüze çykardy