Guşlar dünýäsi



Gyrgynyň görüş ukyby adamyňka görä sekiz esse ösendir. Şonuň üçin ol kiçijik alakany-da bir kilometr uzaklykdan görüp bilýär.

* * *

Algyryň tizligi awyny awlajak pursadynda sagatda 300 kilometre çenli ýetip bilýär.

* * *

Ýer ýüzündäki iň kiçijik guş bolan kolibri her 10 minutdan iýmitlenýär.

* * *

Gyzylinjik bir aýagynda dik durup uklaýar.

* * *

Pingwin uçup bilmeýän guş bolsa-da, 2 metre çenli bökmäge ukyplydyr.

* * *

Çarlaklaryň duzly suw içmäge ukyply bolmaklarynyň sebäbi olaryň bogaz mäzleriniň duzly suw içmäge uýgunlaşanlygyndadyr.

* * *

Dokuz hepdeläp hiç zat iýmän oňup bilýän imperator pingwini täsin guşdur. Üstesine ol 50—60 gradus sowuga-da çydamlydyr.

* * *

Deňiz guşy albatrosyň ganatlarynyň gerimi 3 metre barabar bolup, ol iň uly ganat gerimli guşdur.

* * *

Togdarylar bilen toklutaýlaryň agramy 20 kilograma barabar bolup, olar uçup bilýän guşlaryň iň agyrydyr.

* * *

Boýy 2 metre, tizligi sagatda 60—70 kilometre barabar bolan düýeguş Ýer ýüzündäki iň uly guşdur.

* * *

Uçup ýören wagtynda guşuň ýüregi minutda 1000 gezek, dynç ýagdaýynda bolsa 400 gezek urýar.

* * *

Guşlar derlemeýärler.

* * *

Leglekler uçup ýören wagtlarynda ýere gonman uklap bilýärler.

* * *

Guşlaryň bedenleriniň ýylylygy adamlaryňkydan 7—8 dereje ýokarydyr.

* * *

Kiwi diýen guşuň ganaty ýokdur.

* * *

Düýeguşuň ýumurtgasy 1,5—2 sagadyň dowamynda bişýär.

* * *

Düýeguş, kiwi, dodo, kazuar we pingwin uçup bilmeýän guşlardyr.