DANKO
Danko tümlük derdin zyňyp gerdenden,
Azatlyk,bagt nurun isläp ynsana,
Ýüregini sogrup giň kükreginden,
Ony göterenmiş belent asmana.

Şonda ýürek ýanyp ynsan derdinden,
Gün kimin nuruny saçan her ýana.
Anteý dek güýç alyp ene ýurdundan,
Ýagtylyga ol ýol saçan ynsana.

Ber eliňi,uzakdaky eziz dost,
Biziň aramyzdan gyl hem ötmesin.
Danko dek ýüregmiz belent tutup has,
Adamzada bagş edeli hemmesin.

Gurbannazar Ezizow.(1940-1975).