Ilkinji el telefony



1973-nji ýylda ilkinji el telefonynyň görnüşi – Motorola DynaTAC çykarylýar.

Bu el telefonyň üsti bilen ilkinji jaň bolsa, 1973-nji ýylyň aprel aýynyň 3-ne amala aşyryldy we taryhyň altyn sahypasyna girizildi. Ol jaň Bell Labaratories Konstruktorlar býurosynyň başlygy Joela Englelä edilip, täze açyşyň hoş habary buşlanypdy.

El telefony barada esasy pikir ulag radiotelefonynyň esasynda döräpdir. Bu enjamlar ilki juda tagaşyksyz we 15 kg agramda bolupdyr, ýöne olaryň ýörgünliligi gün-günden ösüpdir.

Martin Kuper bu ugur boýunça işläp, telefonyň agramyny azaldyp, adamlara hiç hili meselesiz öz ýanynda göterer ýaly ýeňillik döretmek barada teklip beripdir. Käbir kärhanalar hem telefonyň agramyny ýeňilleşdirmek esasynda işläpdirler, emma Martin Kuper özüniň ähli bäsdeşlerinden öňürtmegi başarypdyr.

Kuper maksadyny durmuşa geçirmek üçin 15 ýyl we 90 million dollar harç edipdir.

Dünýädäki ilkinji el telefony Motorola DynaTAC 8000X 1,15 kg. agramda bolup, onuň göwrümi 22,5x12,5x3,75 sm. Swetodiodlaryndaky kiçijek displeý (Telefonyň ýüzünde bar bolan kiçijek aýnajyk) jaň edilýän telefon nomeri görkezipdir. Telefonyň zarýady (güýji) 30 minut gepleşmäge ýetipdir, oňa derek bolsa zarýadyny doldurmak üçin 10 sagat töweregi wagt gerek bolupdyr. Bary-ýogy 1983-nji ýyla çenli DynaTAC telefonynyň 5 sanysy çykarylypdyr. 1983-nji ýyldan soňra bolsa, bu modeliň agramy 850 grama getirilipdir we bahasy 3995 amerikan dollary bolan kämilleşdirilen görnüşi söwda çykarylypdyr.

Şol ýyl el telefonlaryny 12 müň amerikan raýatlary satyn alypdyr.