Haýwanat dünýäsinde



Ýer ýüzüniň haýwanlarynyň ilkinji atlasynyň düzülenine 400 ýyla golaý wagt geçdi. Şu aralykda Ýer ýüzüniň haýwanlarynyň 130 görnüşi ýitip gitdi.

* * *

Haýwanlaryň arasynda iň köp wagtlap suwsuz ýaşap bilýäni alakadyr.

* * *

Eşegarynyň uçuş tizligi sagatda 18 kilometr, teneçiriňki bolsa 96 kilometre deňdir.

* * *

Itleriň içinde tazy iň üşegen haýwandyr, şonuň üçinem sähel sowuk bolsa, endamy titräp ugraýar. Şol sebäpli ol köplenç ýapynjaly saklanylýar. Muňa garamazdan, ol itleriň içinde iň suwsaganydyr.

* * *

Gara möý iki ýyl iýmitsiz oňup bilýär.

* * *

Panda aýysynyň barmak yzlary adamyňka örän meňzeş bolup, olaryň tapawudyny hünärmenler kynlyk bilen anyklaýarlar.

* * *

Itler we balyklar örän duýgur jandarlar hasaplanylýar, olar hat-da ýeriň titremegini hem öňünden bilýärler.

* * *

Keýik owlaklary iki hepdeden soň enesiniň yzyna eýerip, ot iýip başlaýarlar.

* * *

Teneçir uly tizlikde uçup barýan hem bolsa, birden yzyna tarap uçmaga ukyplydyr.

* * *

Häzirki wagta çenli afrika pilini hiç kim eldekileşdirip bilmedi. Diňe hindi pilini eldekileşdirip bolýar.

* * *

Itiň käbir görnüşleriniň saýgaryp bilýän yslarynyň sany uçursyz kändir.

* * *

Kenguru 90 kilogram agramy bilen 8 metr beýiklige böküp bilýär.

* * *

Gunduzda ýörite gapajyklar bolýar. Ol suwda ýüzüp ýörkä gulagyna ýa-da burnuna suw degse, şol gapajyklar ýapylýar we ony goraýar.

* * *

Her ýylyň ýaz möwsüminde gurbaga mör-möjekleriň 10 müňe golaýyny awlap bilýär. Gurbagalar bu işi dili bilen ýerine ýetirýärler.