Dünýädäki üýtgeşik pul birlikleri



Haýwanlar bilen çekilen Belarusyň gymmat bahaly kagyzlary

Haçan-da dünýä döwletleriniň köpüsi özleriniň pullarynda taryhy gahrymanlaryny we özleriniň nyşanlaryny ýerleşdirse, muňa derek belarusyň kagyz pullarynda haýwanlaryň şekili ýerleşdirilipdir. Belarusyň «50 köpük» kagyz pulunda belkanyň şekili, «1 rublynda» bolsa towşanyň, we «3 rublynda» samyrlaryň suratlary şekillendirilipdir. Belarusyň has gymmat pul birliklerinde möjekleriň, alakalaryň, loslaryň, aýylaryň we ýabany öküzleriň suratlary ýerleşdirilipdir.

Taýlandlaryň «100 bat» ýadygärlik kagyz puly

Taýlandyň şa aýaly Sirikit 2004-nji ýylda özüniň 72 ýaş toýuny belleýär we onuň hatyrasyna Taýlandyň milli banky puluň ýüzünde özüniň ýan ýoldaşy korol Ram IX bilen duran şa aýalynyň ýadygärlik kagyz pullaryny çykarypdyr. Puluň arka ýüzünde bolsa şa aýalynyň durmuşyndaky möhüm wakalar suratlandyrylandyr.

«60 bat» bolan Taýlandyň kwadrat kagyz puly

1987-nji ýylda Taýlandyň banky korol Ramyň 60 ýaşynyň dolmagy mynasybetli «60 bat» kagyz pullarynyň ýörite tapgyryny ulanyşyga goýberdi. Bu kagyz puly kwadrat görnüşde bolup, onuň ähli taraplary 16 sm deň bolupdyr. Ol dünýäde göwrümi boýunça iň uly kagyz pullarynyň biridir.

Demirgazyk Irlandiýanyň «5 funt sterlingi»

Demirgazyk Irlandiýada seýrek duş gelýän bu kagyz pulunyň ýüzünde Mançester Ýunaýted futbol toparynyň oýunçysy Jorj Best suratlandyrylandyr. Bu kagyz puly 2006-njy ýylda Ulster banky tarapyndan beýik oýunçynyň ölüminiň, onuň ýagty ýadygärliginiň şanyna ulanyşyga goýberilipdir. Şeýle hem bu banknotlaryň bary-ýogy 1 million sanysy çykarylypdyr.

Zambiýa Respublikasynyň kümüşden edilen «5000 kwaçasy»

Bu täsin görnüşdäki teňňäniň agramynynyň takmynan 31 gramy kümüşden ybaratdyr we ol ilkinji gezek 2000-nji ýyldaky Sidneýde geçirilen Olimpiýa oýunlarynyň şanyna çykarylandyr. Teňňäniň adaty däl görnüşini bir meňzeş göwrümde tapawutlandyrmasy kyn bolan Awstraliýanyň we Zambiýanyň goşulan döwlet araçäkleri emele getirýär. Teňňäniň göwrümi bolsa 4,8-den 4 sm eýedir.