Bir ýeriñ ynjasa ýüziñ gülinmez,
Hassalyk derdi hic kime bilinmez.
Durmuşyñ gyzygy göze görinmez,
Saglygyñ bolmasa bary biderek.

Toý, ýasyñda adamlary sanap gör!
Öz ornuñy il törinde barlap gör.
Käteler öziñ öziñi synap gör,
Hormatyñ bolmasa bary biderek.

Arzuw etmäñem öz caky badyr,
Şu gününe kaýyl bolýanlar azdyr.
Her adam hars urup her zada zardyr,
Nesibäñ bolmasa bary biderek.

Gyz-gelin ýüzine calynar reñkin,
Üýtgetjek bolarlar hakyky görkin.
Dogry cala bezeg bermegem mümkin,
Mähir, nur bolmasa bary biderek.

Eklenc ücin, gazanc ücin işleseñ,
Arzuw eden hünäriñe ýetmesen.
Edýän işiñ ýüregiñden söýmeseñ,
Höwesiñ bolmasa bary biderek.

Dost diýenler daşyñ doly dursada,
Saña şöhrat diläp hormat goýsada.
Gabat gelseñ eger-de kyn pursada,
Halyñ soramasa bary biderek.

Ejeñ ak süýdini ödäp bilmesen,
Kyblañ kakañ ak patasyn almasañ.
Hossarlaryñ gadyryny bilmeseñ,
Razy bolmasalar bary biderek.

Alty dogan bir düşege sygdylar,
Ulalyp, öýlenip goñşy boldular.
Oñuşman aradan Haýat dikdiler,
Hany agzybirlik bary biderek.

Karza batyp soñky maşyn edinip,
Gymmat baha eşiklerden geýinip.
Aýlanyp ýör köcä sygman öwinip,
Öýi catma ýaly bary biderek.

Käbir gyzlar pul baýlyga gyzarlar,
Mynasyp däl ýara özin dözerler.
Soñra pyşman cekip aglap gezerler,
Durmuşy bagtsyz bary biderek.