Ir bilen oýanyañ. Öýiñ ýerbe-ýer.
Keýpiñ kök, janyñ sag Hudaýa şükür,
Goñşyñdan bir dertliñ nalasy gelýär,
Şonda näme hakda edersiñ pikir-

Öýiñdäki ajap sapa hakdamy?
Ýa şol dertlä gerek şypa hakdamy?

Ynha bir edara. Başlygy- dostuñ,
Ikimiz icerde "kikirde-kikir".
Gapyda kyrk adam garaşyp otyr.
Şonda näme hakda edersiñ pikir-

Dostlukdaky täsin gudrat hakdamy?
Ýa-da işlikdaki nobat hakdamy?

Saklandy gapyñda kerpicli masyn,
Maşynyñ şafýory-bir ogry-mekir.
"Ýarpy bahasyna al şun!" diýýär,
Şonda näme hakda edersin pikir-

Jübiñe bähbitli arzan hakdamy?
Ýa kellä bähbitli wyždan hakdamy?

Ynha et dükany. Satyjy goñşyñ.
Saýlap-secip sana bir budy secer.
Yzyndaka bolsa- gaty oñurga.
Şonda näme hakda edersiñ pikir-

Öziñe edilen hezzet hakdamy?
Ýa ili cürkeýän ülpet hakdamy?

Barýar köçe bilen maýyp weteran.
Diñe maýybam däl, bir gõzem sokur.
Sen bolsa "WOLGALY" dazlap barýarsyñ.
Şonda näme hakda edersiñ pikir-

Öz ornuñ, öz nyrhyñ, "Wolgañ" hakdamy?
Ýa "Wolga" ýetiren pälwan hakdamy?

(Kerim Gurbannepesow)