Birwagtlar bir gözeliň keşbine,
Aşyk bolan gözlerimiň nazary,
Mündi gijäň ummanynyň keşdine,
Gujak açýar oňa ýyldyz bazary.

Ýyldyzlar gijäniň döşüni bezäp,
Gülüşýärler ýalňyz aýyň moýuna.
Daşyna üýşüşip çekdirler azap,
Göwünlik bermegem gelmez oýuna.

Bu zatlardan habar tutmaýan gijäň,
Düýşlerime boýag çalşy enaýy.
Ýürek ýekelikden ynjady bijaý,
Gözlegim ýazlaryň şowhunly maýy.

Goý,ýyldyzlar şeýdip eljiresinler,
Şolar dälmi,köp syrlary çözlänler?!
Bakyp ýekeligiň penjiresinden,
Aý bilen meni-de bir gün gözlärler!

Baýram Gutlyýew