Messi rekorda şärik boldy bu barada zaman Türkmenistan habar berýär. Ispaniýanyň çempionatynda 14-nji tapgyrda “Barselona” öz meýdançasynda “Walensiýa” bilen 2-2 deňme-deň oýnady (Messi 45+4, Arauho 52 – Diakabi 29, Maksi Gomes 69). Duşuşykda katalonlaryň 1-nji goluny geçiren Lionel Messi Peläniň taryhy rekordyna şärik boldy. Bu gol argentinaly super ýyldyzyň “Barselonadaky” 643-nji goly boldy. Şeýlelikde, ol 1 klubda iň köp gol geçiren 2 futbolçynyň biri hökmünde hasaba alyndy. Messi 2003-nji ýyldan bäri “Barselonada” çykyş edip gelýär. Pele 1956-1974-nji ýyllar aralygynda “Santosda” 643 gol geçiripdi. Pele rekordynyň gaýtalanmagy bilen baglanyşykly Messini mähirli gutlady. Şeýle-de Lionel Messiniň “La Ligadaky” gollarynyň sany 450-ä ýetdi. Messi “Ýuwentusyň” super ýyldyzy Kristiano Ronaldodan soň, Ýewropanyň TOP – 5 çempionatynda 450 gol geçiren 2-nji futbolçy boldy.