Ynanmazlyk.
Ynanmazlyk_başga zat däl, özümiz,
Biziñ göwünlerde garamytyl duman,
Ol öz ýakan odumyzyñ közüdir,
Adamlyk girewe goyulan humar.
Çalym edýär, alasarmyk ýorguda,
Çygly el deý süññümizden ötüpdir.
Bir jandara mymyk tüýüñ ornuna,
Ot_awuly tiken bolup bitipdir.
Anta çenli pese düşen mertebe,
Eziz ýaryñ sowuk görnen gujagy.
Biri erkinlige janyn örtese,
Biri bedew ata duşar duşagy.
Biriniñ sözünden kükese anbar,
Diýýäris: "Ne beýle gözleri ýiti".
Bir_birege ynanmaýan adamlar,
Wah, ulanyp ýörler ak göwün iti.
Gözbaşy nirede? Megerem mekir,
Biri bir ynamy döwendir gadym.
Ine, şondan bäri bu gurumly kir,
Köpleriñ darajyk göwnünde ýatyr.
Biz aklajak bolup bolsak-da heläk,
Ol gizlenen hakykatyñ gäbidir.
Onuñ añyrsynda gorky bar, sebäp,
Ynanmazlyk ejizleriñ däbidir.
Mämmetnazar Babanazarow