Başar.

"YNSAN" diýen ady ödejek bolsañ,
Ýüregñi ynsaba ezmegi başar.
Bagtyñ ýodasyndan ýörejek bolsañ,
Ýoluña yşk gülün ýazmagy başar.

Ene_ata eziz iliñi syla.
Sebäp, iliñ güýji deñelýär sile.
Halal bolsañ,özüñ goşarsyñ ile,
Il_günüñ oduna ýanmagy başar.

Hars urup gözleme gawunyñ gowsun.
Öwmegin özüñi, özgeler öwsün.
Gazanjyñ ojagyñ toýlaryñ sowsun,
Topraga örküñi dañmagy başar.

Goý, joşsun ýüregiñ, döresin gazal,
Halkyñy wasp et_de, söýgüsin gazan.
"Päk zähmet" diýilse, bar zatdan ozal,
Ýaltalyk ýoluny ýapmagy başar.

Altmyş ýaşa, ýetmiş ýaşa, ýûz ýaşa,
Ynsan mertebesin göter sen arşa.
Meńzemän epgege, añzakly gyşa,
Kalplara nur bolup ýagmagy başar.

Nurýagdy Seýtliýew