Gitdiňmi?
Git!
Boşadyp git kalbymam!
Kalbym çelek saýyp, deşip git düýbün!
Düňderip git käsesini sabryňam –
Ertirime azar bermesin düýnüm.

Gitdiňmi?
Git!
Bir pursadam säginme!
Umyda ýer goýup, bakma yzyňa –
Çykyp gitseň ykbalymyň çäginden,
Duýgularym agram salmaz dyzyma.

Gitdiňmi?
Git!
Şemal yzyň süpürsin!
Ýagyş ýagsyn kükrekdäki oduma!
Sil ýumursyn söýgiň synmaz köprüsin –