Günlerimizi güle gaplap geçirdik
Ýa giç galdyk ýada ýakdy kejirlik
Seni görüp gurşanynda ejizlik
Beynim besdir geçmişiñi ýeñ diýýär
Men nädeýin ýurek ýene sen diýýär.

Asman basýa ykbal basýa egnimi
Elden gitdi juwanlygy begligi
Yza berýär ýanan söýgiñ tegmili
Ýogsa ýazgyt geljek sary eñ diýýär
Men nädeýin ýurek ýene sen diýýär.

Serde ýakyp oý pikirleñ niçesin
Boýlanymda öz kalbymyñ köçesin
Ýitiribem iñ mähriban ejesin
Ölenoklar alyp ýörler dem diýýär
Men nädeýin ýurek ýene sen diýýär.

Zer seçsede öñkilerçe däl günler
Garalypdyr gyzyl öwsen bägüller
Çynym bilen şatlanamda kä günler
Gülkülerem haý bir zada kem diýýär
Men nädeýin ýurek ýene sen diýýär.