PARODİÝA

KELLİ:
Ol nämedir sary-gara öwüsýän?
Ol nämedir gara ýolda böwüsýän?
Haýsy organ süňki ýokdur towusýan?
Welli bolsaň sen soragma jogap ber!

WELLİ:
Şypyrtmadyr sary-gara öwüsýän.
Üçlük motor gara ýolda böwüsýän.
Diliň süňki ýokdur ýöne towusýa.
Şahyr Welli Ikiň şudur jogaby!

KELLİ:
Ol nämedir iýip doýup bolanok?
Haýsy köwşi toýa geýip bolanok?
Ol nämedir elden goýup bolanok?
Welli Ikı bolsaň hany jogap ber.

WELLİ:
Toý çorbasyn iýip doýup bolanok.
Ýöne toýda kaloş geýip bolanok.
Telefonam elden goýup bolanok.
Ikinji Welliden nagtdyr jogabyň!

KELLİ:
Ol nämedir jany bar-da gany ýok?
Haýsy jaýyň işigi-eýwany ýok?
Nämäni sanaýas ýöne sany ýok?
Filozofsyrama göni jogap ber!

WELLİ:
Telewizor - jany bar-da gany ýok.
Koropkanyň işigi-eýwany ýok.
Ýyldyzy sanaýas ýöne sany ýok.
Göwnüme degme-dä, ana jogabyň!

KELLİ:
Ol nämedir patdyk-putdyk ýol geçer?
Ol kimdir, näme üçin sözü bol seçer?
Haýsy akmak nirelerde lal açar?
Buýtar-suýtar etme, magat jogap ber!

WELLİ:
Ol eşekdir patdyk-putdyk ýol geçer.
Şahyr ogry bolsa sözü bol seçer.
Akmagyň danasy köpde lal açar.
Näme diýjek bolýaň mana jogabyň!

KELLİ:
Ol nämedir ýene näme nämedir?
Ýene nima, ýene çto nämedir?
Ondan-mundan ýene näme nämedir?
Wessalam, gep tamam şuňa jogap ber!

WELLİ:
Setirlerim çar tarapdan gelendir.
Özbek, ors, gazagy heýran kylandyr.
Ýazsamam ýazdymla, aňsat bolandyr.
Men gitdim çen boldy (!) berdim jogabyň!