Sallanjyrap erkiñ alar eliñden
Ah bu gyzlar, ah bu gyzlar, bu gyzlar.
Lak ataýsañ bela goýar diliñden.
Ah bu gyzlar, ah bu gyzlar, bu gyzlar.


Saçyña seredip ,,Daýy'' diýýäler
Siz indi öýdäkiñ paýy diýýärler
,,Biz göçgünli jshyl taýy" diýýärler
Ah bu gyzlar, ah bu gyzlar, bu gyzlar.

Sizi gün deñine goýasym gelýär
Sònüp däl alawlap söýesim gelýär
Käte ,, Şeýtanjyklar,, diýesim gelýär
Ah bu gyzlar, ah bu gyzlar, bu gyzlar.


Ýöräninde çeşme kimin akymy
Gözlerinde jemlän ähli akylyny
Duýanoklar wah hemmäde ýakymly
Ah bu gyzlar, ah bu gyzlar, bu gyzlar.


Peýda ýokdur sòýgä dahyllygyñdan
Çekiber minneti şahyrlygyñdan
Habary ýok göwnüñ jahyllygyñdan
Ah bu gyzlar, ah bu gyzlar, bu gyzlar.


Toýly Öwez