Pursatlar suw üzre aýak yz kibi
Aýt sen, wagt diýeniñ aýaýar kimi?!
Ýazlar gül geýinip uly gyz kibi
Tijenende sen düşýärsiñ ýadyma.

Asmanda ýazylan ýerde çözülmez
Köñle taý kylanyñ derde dözülmez
Penjire ýapylmaz, perde süzülmez
Gijelerine sen düşýärsiñ ýadyma.

Kalp- tez jeren awy däldir her şiriñ
Günleñ tesbsinde ömir teswiriñ
Alaja deý düýn, şu günüm ertirim
Işilende sen düşýärsiñ ýadyma.

Ýaşlygy perinde göterip guwlar
Sowular bir pursatlyk bahar deý sowular
Toý güni bir bire iñ hoş arzuwlar
Diýşilende sen düşýärsiñ ýadyma.

Yşgyñ sabyr pyýalasyn gyrmalap
Ýazyklydyr ýar ýanynda ýygralan
Bir ýyly söz ähli derdim bir gyra
Sûýşirende sen düşýärsiñ ýadyma.

Söýmäge bir pursat köýmäge ömir
Diymäge birje sòz duýmaga köñül
Dañ ýyldyzy kibi her täze güniñ
Işiginde sen düşýärsiñ ýadyma

Göräýmäge durmuş düzläp dokuzyn
Günler çalar şo-ol adaty gopuzyn
Ýöne dost ýar, dogan gardaş gözler dokunyp
Üýşilende sen düşýärsiñ ýadyma.

Kakamyrat Rejepow