Hirosimanyň Parahatçylyk seýilgähinde adaty bolmadyk ýadygärlik bar. Atom bombasyny ýatladýan bu binanyň depesinde duran gyzjagaz Sadako Sasaki durna çagajygyny ýokary göterip dur. Sasakä atom bomba ýarylanda güýçli zeper ýetýär we ol 1000 sany kagyz durna ýasasa , özüniň sagaljakdygyna çuňňur ynanypdyr. Emma 12 ýaşlyja gyzjagaz olaryň diňe 644 sanysyny ýasamaga ýetişip, bu ýagty jahan bilen hoşlaşýar. Sebäbi Ýaponiýada durnalaryň 1000 ýaşaýandygy, olaryň uzak ýaşamagyň alamatydygy hakdaky ynanç bu ýadygärlige hasam çuňňur many berýär. Şonuň üçin dünýäniň çar künjeginden bu ýere kagyz durnalaryň iberilmegi geň däldir.