Bir kemim bar diýip gyýylma jigim
Asyl adamzadyñ kemi bolmaly
Dert berýändir sadagasy gitdigim
Her beren derdiniñ emi bolmaly.

Gam gussa egsiler adam aýdyşsa
Ýürekler ýukalar ýaşlar gaýdyşsa
Ýegre doslañ arasyna tow düşse
Ol şeýtanyñ guran jeñi bolmaly.

It ogurluk edip gurdy ýallasa
Çäresini görmäge turda alñasa
Ol adyllyk däldir adam dannalsa
Adalat oklaw deý göni bolmaly.

Her kim öz gabryny özi gazýandyr
Işi rowaçlykdan adam azýandyr
Çakdanaşa oýun çyna ýazýandyr
Oýunyñ mazanyñ çeni bolmaly.

Bir namart ýigitde ähtibar bolmaz.
Ilinden azaşan bagtyýar bolmaz
Gara başym diýen ärden är bolmaz
Är ýigidiñ ilinden gamy bolmaly.

Göwnin tapsañ toprak etmez zada zar
Çyn ýürekde ynsanlara söýgi bar
Ata- ene dogan gardaş söwer ýar
Watan bar söýginiñ jemi bolmaly.

Italmaz Akmyradow