Ýatla meni joralarňa duşaňda,.
Hem dogaýy salamymy ýetirgin
Olar bilen söhbet edip başlaňda,
Şu sözleri zybanyňa getirgin:

“Gyz wagtym yzymda enteýşi ýaly,
Şol oglan henizem köýüp ýör” diýgin!
“Altmyş ýaşdan geçip ömrüniň saly,
Gojalsada meni söýüp ýör” diýgin!

On ýedide seni söýen ýigidiň,
Bir gaýduwsyz – mertdigini bilsinler.
Ynsan üçin söýgi diýen duýgunyň,
Bir dermansyz dertdigini bilsinler.