Sözüň agramyny ölçemez tonna,
Ölçemez güýjüni million kilowat,
Söz-ýalaňaç pikire gyrmyzy dondur.
Söz bar-kime şapbat,
Söz bar-kime bagt.

Dünýede iň beýik şypa şolaňky,
Şatlygmyzy siňdirýäris şolara.
Dünýede iň beýik jepa şolaňky,
Hasratymyz siňdirýäris şolara.

Söz- bu gazap bilen çakan ýyldyrym.
Söz- bu gyz näzidir, dürleň- dürüdir.
Başarmasaň- ol öçügsi ýyldyzyň,
Başarsaňam- lowlap duran Günüňdir.

Gurbannazar Ezizow