Sarymsagyň Peýdasy.

Sarymsak ynsan saglygy üçin diýseň peýdalydyr. Ol mikroblary gyrmakda antibiotiklerden kem däldir. Şonuň üçin-de sarymsak gündelik durmuşymyzda giňden ulanylýan gök önümleriň biridir. Şeýle-de bolsa ony çendenaşa köp iýmeklik hem-de içki organlarynda näsazlyk bar adamlara giňden peýdalanmaga maslahat berilmeýär.
"Sarymsak-serimsag" hökmünde tanalýan bu melhemlik önümiň nämelere em bolýandygyny bilmek eýsem, köpleri gyzykdyrýan bolsa gerek? Ynha olaryň käbirleri:
- işdäni açyjy;
- aşgazanda iýmit siňmegini gowylandyrýar;
- içegedäki yzany aýyrýar;
- gan basyşyny kadalaşdyrýar;
- aşgazandaky, içegedäki zäherli gazlary azaldýar;
- soguljanlary gyrýar;
- ýatkeşlige peýda edýär;
- gakylygyňy goparýar;
- deri kesellerine em bolýar;
- peşew haltada daşyň emele gelmeginiň öňüni alýar;
- gyzgynyňy gaýtarmaga kömek edýär;
- guryagyrynyň ýeňil geçmegine-de peýdaly;
- böwrekde daş emele gelmeginiň öňüni almaga peýda edýär.