Goýun bolsa uşak malyň,
Bahar, güýzde ýüň getirer;
Ýagşy baksaň, ýagşy malyň,
Peýdasyna deň getirer.

Azandyr işan-hojasy,
Gyzyny azdyr ejesi,
Ýanna birniçesi barsaň,
Hiç geplemez, güň getirer.

Ýanaşmagyn dek otura,
Duşarsyň bela-betere,
Gyz berseň bozuk hatara,
Obasyna jeň getirer.

Aýak ile baş bolanda,
Akyllylar ýaş bolanda,
Iki azan duş bolanda,
Buz üstünde çaň getirer.

Mätäji, gez öwüt bile,
Abraý alawer at bile,
Bagşylar ýüpek, tut bile
Bilbil ýaly heň getirer.

Annagylyç Mätäji