Ronaldodan öňe geçdi, indi diňe Pele galdy

Dünýä Kubogynyň saýlama tapgyrynyň çäklerinde Braziliýanyň ýygyndysy myhmançylykda Perunyň ýygyndysyny 4-2 hasabynda ýeňdi. Duşuşykda 3 gol geçiren Neýmaryň milli topardaky gollarynyň sany 64-e ýetdi. Şeýlelikde, super ýyldyz bu ugurda meşhur hüjümçi Luiz Ronaldodany (62 gol) öňe geçdi. Häzirki wagtda Neýmaryň öňünde diňe 77 goly bolan futbolyň şasy Pele bar. Ady agzalan bu 3 futbolçydan başga ilkinji 5-likde Romario bilen Ziko hem bolup, olar degişlilikde 55 we 48 gol geçirdi.
Peru – Braziliýa: 2-4 (Karrilo 6, Tapiýa 59 – Neýmar 28 p, 83 p, 90, Rişarlison 64)