Alymlar sintetik möý kerebini öndürmegi başardylar

Birnäçe adamlaryň hyýallaryndan biri bolam Spider-Man-yň kerep atyjysyny, hakyky durmuşda ornaşdyrmak üçin işler alnyp barylýar. Öňki edilen işler başa barmasa-da, gözlegçiler ahyry soňy bakteriýalaryň genetikasyny üýtgedip sintetik möý kerebini öndürmegi başardylar.

Inženerler, ýyllar boýy genetikasy üýtgedilen bakteriýalardan, kömeleklerden we hatda geçi süýdünden sintetik kerep ýasamaga çalyşdylar, emma bu hakykata öwrülmedi. Bu gezekki geçirilen işlerde E.coli bakteriýalarynyň genetikasy üýtgetdiler we üstünlige ýetdiler. Netijede, tebigy önüm bilen örän meňzeş bolan sintetik önüm aldylar.

Waşington uniwersitetinden sintetik biolog Fuzhong Zhang, Amerikanyň himiýa boýunça ylmy işgärleriň birleşmesiniň ýylyň jemi ýygnagynda “Indi bakteriýalary tebigat ýaly gowy zatlary öndürmek üçin ulanyp bileris” diýdi. Möý kerebi örän ýeňil ýöne pikir edilişinden has güýçli taýsyz önüm bolup durýar. Möý kereplerinden ýasalan troslar, edil şol uzynlykda ýasalan polat önümlerinden ortaça 5 esse güýçli.

Alymlar ýokary derejede berk bolan bu önümi gözläp, oýlap tapmaklarynyň sebäbi olaryň  medisina, kosmos we tekstil pudaklarynda gelejekde urga çydamly önümleri öndürmek   we haýran galdyryjy güýçli tikişleri etmek maksatlary bar. Bu täze önüme, astronotlara Mars-da gaty maddalary öndürmek üçin NASA tarapyndan maýa goýum goýulýar.

Adamlaryň bu öndürilen önümi ulanyp şäherlerde Spider-Man bolmak hyýallary biraz garaşmaly bolýar. Alymlar bu sintetik kerepden ýüplük öndürmegi maksat edinýärler.