LEÝLI GEREKDIR


Dergähiñe bir arzym bar Ýaradan
Bize bir mähriban Leýli gerekdir
Bugdaý reñ bolsun akdan garadan
Ýagsy gylyk ,ýagşy hoýly gerekdir

* * * * * * * *

Gaýraty köp bolsun işde jedelde
Gara saçy duşsun ak ýüze dalda
Ýagşy ata ,ýagşy ene görelde
Aşygy oldüriji towly gerekdir


* * * * * *

Boýy uzyn bolsun ýüzi ak bolsun
Balaman bakyşly, tugun tap bolsun
Hemme bet işlerden süññi sap bolsun
Emma bezenişi şaýly gerekdir


* * * * * * *

Zelili, dergähe ,ýüzüm tutar men
Kabul kylsañ , şirin jandan öter men
Gadam goýsañ ,gaş üstünde götär men
Didàmiñ üstünde ýoly gerekdir.

Gurbandurdy Zelili