Henizlerem ynjalyksyz göwûnde
Meniñ saña aýdylmadyk şol sözüm
Geçmişden düwülip galan düwünle
Meniñ saña aýdylmadyk şol sòzüm.

Görseñizläñ bu bolşumyñ geñligin
Bir garaýşa dañylypdyr deñlerim
Çekinjeñlikmi ýada utanjañlygym
Meniñ saña aýdylmadyk şol sözüm.

Ahmyr diýjek bolsañ kada gelenok
Arman diýjek bolsam olam bolanok
Ýaşlygymmy ýalñyşymmy bilemok
Meniñ saña aýdylmadyk şol sözüm.

Elwan ýaglyklyja ýakañda galdy
Arzuwlarym ogryn bakañda galdy
On sekiz ýaş bilen bakañda galdy
Meniñ saña aýdylmadyk şol sözüm.

Şondan bäri bahar gelse her gezek
Ganatlarña arzuw gerek per gerek
Her goşgymdan jyklap gidýär bir gezek
Meniñ saña aýdylmadyk şol sözüm.

Bir çen boldy hyýallardan çykmana
Bähbit bolsun dert bolsada çekmäne
Bir õmürlik ylham berdi ykbala
Meniñ saña aýdylmadyk şol sözüm.

Toýly Öwez