Beýni çalşyrmak mümkinmi?

Daily Mail-iň habaryna görä Hull uniwersitetiniň Barlag hassahanasyndan robototehniki  hünärmen we beýni hirurgy doktor Bruce Mathew, robot hirurgy, öýjük kökleri we nerw operasiýalarynyň üsti bilen beýnini we oňurga ýiligini göçürip (başga bir adama geçirmek)  biljekdigini aýtdy.

Teh Telegraph-a gürrüň beren Mathew: “Başda biziň niýetimiz diňe beýnä täsir etmekdi we bu bolmajak zat görünýärdi. Soňra aslynda bu işiň   gaty bolmajak zat dälligini   bildik” 

Bolup biljek nazary operasiýany gürrüň beren Mathew: “Eger beýni   göçürmäni ýerine ýetirip bilseňiz,   beýni bilen oňurga ýiligini   bilelikde tutsaňyz bu aslynda bolmajak zat däl. Oňurga ýiligini çykarsaňyz, netijede ähli beýni, oňurga ýiligini täze bir bedene ýerleşdirip bilersiňiz” diýip belläp geçdi.

Mathew, medisinada beýni çalşyrmagyň mümkin boljakdygyny yşarat edip: “Oňurga ýiligini  sagat ýagdaýda  çykarmak kyn. Geljekde öňe gidişlikler bolar. Takmynan öňümizdäki 10 ýyl içinde bu iş hakykatlaşar” diýdi.

Jesetlerde beýni çalşyrmasy öň geçirilendigini ýatladan Mathew: “Beýnisi ölen jesetlerden başgalara beýni geçirmek soňky işimiz. Bu operasiýa myşsa distrofy hassalara we organlary alnan adamlara peýda getirip biler, hatda käbir adamlary ölümden hem alyp galmaga ýardam berer”. 

Alymlar 2017-nji ýylda kiçi syçanyň beýnisini uly syçana ýerleşdirip, dünýäde ilkinji gezek beýni göçürme işini amala aşyrypdyrlar.

Russiýaly bedeni ysmaz bolan Waleri Spirinodow, 2 ýyl öň dünýäniň ilkinji beýni çalyşma operasiýasyny geçirmek üçin razylyk beripdi.

Alnan çeşme: www.yenicaggazetesi.com.tr