Çagyryldym, bardym seniň toýuňa
Men barmasam bu gelşiksiz boljakdy
Gutlamaly boldum deň-duşlaň bilen,
Ýöne diýiljek söz bagrym diljekdi.

Bokurdakda bir uly daş doňup dur
Bir söz diýsem eräp ýaş bolup damar
Emma gutlanymda syr bildirmändim.
Gözlerimden aňdy dostlaryň seniň.

Senem otyrsyň maňa seredip
Ýekeje söz diýsem gapyp alarsyň
Onsoň sen maňa ýyldyz göz dälde,
Ýyldyrym göz bilen talaň salarsyň.

Ýylgyrdym, geçmişi unudyp biraz
Hem özüm ýitirip tolgundym aşa
Gara gözleriňe göni seredip
Diýdim,
Gelniň bilen bagtly ýaşa!

Dört sözde gutlagmyň baryn jemledim
Bu sözüm goldady töwerek daşym
Ýok, men aglamadym söýgümizi ýatlap
Ýöne seň gözüňde göründi ýaşyň!