Aý doğar gün dogar öz wagty bilen,
Öz wagty gelende süýjär almalar
Başagaý durmuşda darykma köňlüm
Gyssanma hemme zat ýerbe-ýer bolar!

Bugdaýa suw tutsaň çaýyr hem ganýar,
Laçyna öýkünip garga hem gaýýar,
Çybyklar çüýreýär töňňeler galýar
Gyssanma hemme zat ýerbe-ýer bolar!

Mydam bolup durmaz dokuzyň doly,
Başyňy belent tut, pesde tut päli,
Küştüň mallarynyň dikilşi ýaly
Gyssanma hemme zat ýerbe-ýer bolar!