Adyňy şygyra ýazaryn ilki,
Soňra-da aýdyma salaryn belki,
İkinji öýüm sen ömrüm seniňki
Gaýdyp gelmeseňde mekdep ýyllarym!

Durmuşa ädim ataryn ilki,
Soň giň ummanda ýüzerin belki,
Ýatlama pursatlaň barysy meňki
Gaýdyp gelmeseňde mekdep ýyllarym!

Seni mydam ýada salaryn ilki,
Onsoň ýatlamaga gelerin belki,
Bu sada ýürekli gyzyň seniňki
Gaýdyp gelmeseňde mekdep ýyllarym!

Herimiz bir hünär saýlarys belki,
Şol hünärden abraý gözläris ilki,
Ahlak,edep, sungat öwretdiň çünki
Gollarym kitaply gatnan ýyllarym!

Käteler ýaltalyk bolandyr belki,
Ýykylsam el beren sen bolduň ilki,
Ol meniň mähriban mugallymym çünki
Edebin, ekramyn yzlan ýyllarym!

Göwnüňize bir çyglyk salandyryn belki,
Şol wagt jahyllyk edipdirin çünki,
Synpdaşlam bu pursat bolsada soňky
Hakydamda baky ýaşar ýyllarym.

Men seniň uçurym gyzyňdym öňki,
Talyp bolup geldim duluňa indi,
Tanymal lukmanyň bolaryn belki
Soňky gezek gelenimde mekdebim!