Nirede bolsamda nirä gitsemde
Meni öz ýanyñda hasap edip gez
Käýarym iş bilen gözden ýitsemde
Meni öz ýanyñda hasap edip gez.

Ýüregimde adyñ baryn unutma
Gursagymda oduñ baryn unutma
Nirde bolsañ bar ünjiñi unutda
Meni öz ýanyñda hasap edip gez.

Ýene barýan syryp deñiz ýakasyn
Göýa suw saklaýar yşgyñ sakasyn
Kabul etmän söýýänleriñ ýekesin
Meni öz ýanyñda hasap edip gez.

Üzülmesin umyt monjugym belki
Umytlar asmandan inermiş ilki
Ýyldyrym deý otly yşgym seniñki
Meni öz ýanyñda hasap edip gez.

Algyr awçy ganat gerýän bürgüt sen
Al janymy derdiñe derman eýle sen
Diýmezdim bu sözi eger söýmesem
Meni öz ýanyñda hasap edip gez.