Penjireden bakan, dilber,
Gözelligiň bildirersiň.
Ak göwsüňde läle, sünbül,
Aglaýany güldürersiň.

Gerden açyk, meňleriň çoh,
Gözellikde deň-taýyň ýok,
Gaşlaryň ýaý, kirpigiň ok,
Urdugyňy öldürersiň.

Gül bilbiliň sekiminden,
Käkil-u-zülp dakynandan,
Geçme metjit ýakynyndan,
Çoh namazlar böldürersiň.

Garajaoglan, maňa ýazyk,
Ýary gördüm, bagry ezik,
Bakjaňdaky gülüň näzik,
Berk saklama, soldurarsyň.