Biziň saglygymyz kime gerek?

Biziň saglygymyz diňe özümize gerek, şonuň üçin berilýän maslahatlara sylagly bolup ýerine ýetirmeli. Ýerine ýetirmezlik köp bilensiräp, hiç bir zat bilmeýän düşünjesi pes bolanlaryň işidir.

Bu makalada bize tabşyrylýan we zerur bolan zatlara gulak asmalymy dälmi göreliň.

Mysal üçin bir takside barýarys, sürüji gorag kemerini dakmandyr we sen hem dakjak bolaňda arkaýyn bol dakma diýýär. Bu ýagdaýa köp kişi gabat gelendir. Ýa-da taksi Ýol Gözegçillik işgärlerine ýakynlaşyberende dakýar. Bu gaty pes düşünjäni görkezýär. Çünki ol kemer Ýol Gözegçilik gullugynyň dälde seni goramak üçin goýuldy. Käbir kişiler kemer dakynmagy kiçilik bilip, hat-da abraý hasap etýär. Bu bolsa şol kişiniň has-da yza yza galýandygyny subut etýär.

Gorag kemerleri, awariýa ýagdaýynda dakygly bolsa, boljak howpy 100%de 80% azaldýar. Siziň saglygyňyzy goraýan kemeri dakynmak näme üçin kiçilik diýip hasaplaýarys?  Näme üçin diňe şol kemerleri Ýol Gözegçilige görkezmek üçin dakýarys? 

Bu gün bolsa maskany dakynmak birhili bolýar. Maskada gorag kemer ýaly hem siziň saglygyňyzy hem-de başgalaryň saglygy üçin dakynmaly diýip tabşyrylýar. Biz bolsa akylly görünjek bolup (aslynda gaty samsyk) dakynmaýarys, ýa-da dakynanlara nämä gerek diýen bolýarys. Bu maska dakynmak wajyp zat, eger wajyp bolmasa şuwagt tutuş dünýäde maska dakynmak zerur bolmazdy.