Neçün menden gaty gördüň,
Gülim, göwnüňe degdimmi?
Maňa jaň, etme diýdiň,
Gülim, göwnüňe degdimmi?

Aýtgyn, bileýin günämi,
Bilip, ýuwaýyn günämi,
Sözle, duýaýyn günämi,
Gülim, göwnüňe degdimmi?

Näme boldy, saňa birden,
Jaň ederin, diýsem irden,
Ýa, ýüregim, dolup kirden,
Gülim, göwnüňe degdimmi?

Maňa gül açjak mahalyň,
Soldumy eken, nahalyň,
Ýada getirip gaharyň,
Gülim göwnüňe degdimmi?

Seňki bolsun bar baýlygym,
Halaldan ýygnan şaýlygym,
Alladan inen taýlygym,
Gülim, göwnüňe degdimmi?

Baharym, bagyşla meni,
Hangeldi söýýändir seni,
Saklap bilmän, aşa çeni,
Gülim, göwnüňe degdimmi?

Ýaş şahyr:Hangeldi Orazmyradow