Ýaryñ bar eken

Dünýäñ hasratyndan daşlaşan çagym
Birden söndi gitdi umyt çyragum
Setirlere dökülip dur pyganym
Dünýä pikir edişimden dar eken
Wah armanym özge ýaryñ bar eken.

Arzuwymdan gaýyp gitdiñ gara göz
Gursagymy oýup gitdiñ gara göz
Hoş hyýaldan taýyp gitdiñ gara göz
Asyl kalbyñ yşkdan öñem kör eken
Wah armanym özge ýaryñ bar eken.

Eräp gitdim kiçi çilläñ gary deý
Üzülip gitdim köne gyjak tary deý
Öçdim gitdim ömri zaýan nury deý
Nar ýañagyñ özge yşkdan nar eken
Wah armanym özge ýaryñ bar eken.

Seni sen däl özüm hasap eýledim
Ömrüm çoýjak közüm hasap eýledim
Garly gyşym ýazym hasap eyledim
Özbaşyña gyşyñ yazyñ bar eken
Wah armanym özge ýaryñ bar eken.