Dostlaryma

Bir gün bag deý ýanyp köýseň,
(Baky gelen barmy eýsem?)
Abraýňy ataňa goýsaň,
Ogluňa atyñy goýsaň,
Bugdaýa meýdany goýsaň,
Zemine asmany goýsañ,
Gurmadygňy goýsaň eger,
Deň duşlaryň dowam eder.

DOSTLARYM.

Sährany şähere goýsaň,
Tohumy bahara goýsaň,
Goýsaň, goýsaň,
Köp zat goýsaň,
Derdiňi enä goýmasaň.
Dert alynmaz ýöne ýere,
Kim başyn hesrete goşýar?
Ýöne mydam enelere
Üleşikde şu paý düşýär.

DOSTLARYM.