Şirin jan tenden aýryldy
Ömrüň gysga eken klasdaş.
Synaň gum bilen garyldy
Dert baryny çeken klasdaş.

Ejiz eken süňňüň myhy
Arşdan kürse galdy ruhy
Çekip munda niçe ahy
Hak huzurna ýeten klasdaş

On üç oglan, on bäşi gyz
Aglap ýürekde goýdy yz
Aňmyzdan çykmarsyň hergiz
Sulhda orun tutan klasdaş.

Parlapdy toýlarda täjiň
Eştmeklik kyn degdi ajyň
Nalaçdyň ýokdy alajyň
Bagyr dertden öten klasdaş.

Illäp toýlajakdyk toýuň
Ondan öň tutuldy ýasyň
Ýetmediň şum boldy oýuň
Arzuw hyýal ýiten klasdaş.

Umyt edip içdiň şerbet
Köp ýyl halyň boldy erbet
Ýigrim iki ýaşly Söhbet
Solduň ýaňy biten klasdaş

Allam daş kylsyn dowzahdan
Eýlesin jaýyň jennetden
Gorasyn syratly otdan
Ýer teýinde ýatan klasdaş.

Yrza bolgun hemmämizden
Dost, dogan, kaka ejeden
Miras galsyn Hangeldiden
Bu şygrym ýas tutan klasdaş.

Ýaş şahyr:Hangeldi Orazmyradow.